EPN Article
ဆောင်းပါး၊ ဖေဖော်ဝါရီ ၂
“အခုတလော ဂျာနယ်တွေ၊ သတင်းစာတွေ၊ အွန်လိုင်းသတင်းတွေ ဖတ်ရတာတောင် ခပ်လန့်လန့်ပဲ” လို့ မိတ်ဆွေတစ်ဦးက ဆိုလာတော့ “ ဘာဖြစ်လို့လဲဟ” လို့ ကျွန်တော်က ပြန်မေးလိုက်မိတယ်။ အဲဒီတော့ သူပြောတာလည်း ကြည့်ဦးဗျာ။ “ဝူဟန်ဗိုင်းရပ်စ် ကူးခံရမှာ စိုးလို့” တဲ့။ သူပြောလည်း ပြောစရာပဲ။ အခုတလော ဂျာနယ်၊ သတင်းစာ၊ အွန်လိုင်း ဘာကိုပဲ ကြည့်ကြည့် ဝူဟန်ဗိုင်းရပ်စ်လို့ ခေါ်ကြတဲ့ ကိုရိုနာဗိုင်းရပ်စ် အကြောင်း တွေကိုပဲ အများဆုံးတွေ့နေရတယ်။ တစ်နေ့တစ်နေ့ ဗိုင်းရပ်စ်ကြောင့် “ဘယ်နှယောက် ကူးစက်ခံရပြီ။ ဘယ်နှစ် ဦး သေသွားပြီ။ ဘယ်နိုင်ငံတွေမှာ ကူးစက်ခံနေရပြီ” ဆိုတဲ့သတင်းတွေ ဖတ်ပြီး ကျွန်တော်တို့ ထိတ်လန့်နေရ တယ်။ ကျွန်တော်တို့ အနီးအနားက နိုင်ငံတွေရော၊ အဝေးက နိုင်ငံတွေပါ ကိုရိုနာဗိုင်းရပ်စ် ကူးစက်မှုကို ခံနေရ ပြီဆိုတော့ ကျွန်တော်တို့ အလှည့် ဘယ်တော့ ရောက်လာမလဲ လို့ တွေးရင်း ကြောက်နေမိတယ်။
