Search

Tuesday, April 30, 2019

မူးယစ္ေဆး၀ါးႏွင့္ပတ္သက္၍ ျပစ္မွဳက်ဴးလြန္သူအား စစ္ေဆးေဖာ္ထုတ္ခဲ့ရာ ေနာက္ထပ္မူးယစ္ေဆးဝါးမ်ား ထပ္မံဖမ္းဆီးရမိ



မူးယစ္ေဆး၀ါးႏွင့္ပတ္သက္၍ ျပစ္မွဳက်ဴးလြန္သူအား စစ္ေဆးေဖာ္ထုတ္ခဲ့ရာ ေနာက္ထပ္မူးယစ္ေဆးဝါးမ်ား ထပ္မံဖမ္းဆီးရမိ 

EPN
ဗန္းေမာ္၊ ဧၿပီ ၃၀

ကခ်င္ျပည္နယ္ ဗန္းေမာ္ ျမိဳ႕တြင္ မူးယစ္ေဆးဝါးအမႈႏွင့္ ဖမ္းဆီးခံရသူအား စစ္ေဆးေဖာ္ထုတ္ခ်က္အရ ေနာက္ထပ္ မူးယစ္ေဆးဝါးမ်ား ထပ္မံဖမ္းဆီးရမိေၾကာင္း ဗန္းေမာ္ခ႐ိုင္ရဲတပ္ဖြဲ႕မွ သိရသည္။ 

ဗန္းေမာ္ျမိဳ႕မရဲစခန္း မယ (ပ ) ၅၆ /၂၀၁၉၊ မူး /စိတ္ ပုဒ္မ ၁၆ (ဂ) အမွဳမွ ျပစ္မွဳ က်ဴးလြန္သူ ခ်စ္မ်ိဳးလင္း ၏ အစစ္ခံေဖၚထုတ္ခ်က္အရ ရဲအုပ္ စိုးဦးႏွင့္အဖြဲ႕သည့္ သက္ေသမ်ားႏွင့္အတူ ဧျပီ ၂၉ ရက္ေန႕၊ ညေန ၅ နာရီခြဲ အခ်ိန္က ဗန္းေမာ္ၿမိဳ႕ ျပည္သူ႕ေဆး႐ံု၀င္းအတြင္းရွိ မက္သဒုန္းတိုက္သည့္ အေဆာင္သို ့ ဝင္ေရာက္စစ္ေဆးခ့ဲရာ မူးယစ္ေဆးဝါး ေရာင္းခ်သူစိုင္းျမင့္ထြန္းႏွင့္အတူ မူးယစ္ေဆးဝါး သုံးစြဲရန္ေရာက္ရွိေနေသာ ပိုင္စိုးပါ (၁၃)ဦးတို ့ကိုအသင့္ေတြ ့ရွိခဲ့ၿပီး စိုင္းျမင့္ထြန္းထိုင္ေနသည့္ အေရွ႕ စတီးခ်ဳိင့္အတြင္း အဝါေရာင္အဖုံး အပိတ္ပါ အျဖဴေရာင္ ေကာ္ဗူးအတြင္းမွ ဘိန္းျဖဴ ဝါၾကားမွဳန္ ့၀ ဒသမ ၄ ဂ ရမ္စီပါ ေကာ္ဗူး ၁၀ ဗူး၊ စုစုေပါင္း၄ ဂရမ္၊ အနီေရာင္အဖုံး ပိတ္ပါ အျဖဴေရာင္ ေကာ္ဗူးအတြင္းမွ ျဖဴဝါၾကားမွဳန္ ့ ၁ ဒသမ ၅ ဂရမ္ ပါ ေကာ္ဗူး ၁ ဗူး၊ ျဖဴဝါၾကားမွဳန္ ့ ၀ ဒသမ ၁ ဂရမ္ ပါ တိုက္ငါးလုံးတံဆိပ္သတၳဳ ဗူး ၂ ဗူး၊ အေလးခ်ိန္ ၀ ဒသမ ၂ ဂရမ္၊ စုစုေပါင္းဘိန္းျဖဴ ဟု ယူဆရေသာ ျဖဴဝါးၾကားအမွဳန္ ့ ၅ ဒသမ ၇ ဂရမ္၊ ခန္႕မွန္းတန္ဘိုး ေငြက်ပ္ ၅၇၀၀၀၀ႏွင့္ အဝါေရာင္ အပိတ္ တပ္လ်က္ေကာ္ဗူးေျခာက္ဗူး၊ စိုင္းျမင့္ထြန္းလြယ္ထားေသာ ကခ်င္လြယ္အိတ္ အတြင္းမွ 3m ေဆးထိုးအပ္ တပ္လ်ွက္ ပိုက္ ၄ ခု၊ True စာတမ္းပါ အနက္ေရာင္ ဖုန္းတစ္လုံး၊ ျမန္မာေငြစကၠဴ ေရာရာ ၆၅၀၀ တို႕က္ို ရွာေဖြေတြ႕ရွိ သိမ္းဆည္းရမိခဲ့ေၾကာင္း သိရသည္။ 

ျဖစ္စဥ္ႏွင့္ပတ္သက္၍ ရဲအုပ္စုိးဦးက တရားလို ျပဳလုပ္တိုင္တန္းခ့ဲသျဖင့္ ျမိဳ႕မရဲစခန္း က မယ( ပ) ၅၇။ မူး/စိတ္ပုဒ္မ ၁၉ (က)/၂၀ (က )/၂၁ အရ အမွဳ ဖြင့္ခ့ဲျပီး မူးယစ္ေဆး၀ါးေရာင္းခ်သူ စိုင္းျမင့္ထြန္း၂၉ ႏွစ္၊ (ဘ) ဦးျမင့္သိန္း၊ ေပါက္ကုန္းရပ္ကြက္။ဗန္းေမာ္ ျမိဳ႕ေနသူႏွင့္ မူးယစ္ေဆး၀ါးသံုးစြဲရန္ ေရာက္ရွိ ေနၾကသူ ပိုင္စိုးပါ (၁၃)ဦး တို႕ကို အမွဳစစ္ ဒုရဲအုပ္ ေအးေက်ာ္က တာ၀န္ယူ စစ္ေဆးေဆာင္ရြက္ေနေၾကာင္း သိရသည္။ 

အဆိုပါ မူးယစ္ေဆး၀ါးမ်ားကို သေျပကုန္း အနီး ေတာထဲတြင္ ေတြ႕ရွိေသာ အမည္မသိသူ အမ်ိဳးသားတစ္ဦးထံမွ ဘိန္းျဖဴ ဝါၾကားမွဳန္ ့ပါ ေကာ္ဗူး တစ္ဗူးလ်ွင္ ေငြ က်ပ္ ၁၂၀၀၀ ျဖင့္ေကာ္ဗူး ၁၆ ဗူး၊ ေငြက်ပ္ ၁၉၂၀၀၀ ဘိုး သုံးစြဲေရာင္းခ်ရန္အတြက္ ဝယ္ယူခ့ဲေျကာင္းစိုင္းျမင့္ထြန္း မွ အစစ္ခံထြက္ဆိုခ့ဲေၾကာင္း ရဲစကၠဴ မွတ္တမ္းအရ သိရသည္။ 

ဗန္းေမာ္ သုခမိန္
-------------------------------------------------------

မူးယစ်ဆေးဝါးနှင့်ပတ်သက်၍ ပြစ်မှုကျူးလွန်သူအား စစ်ဆေးဖော်ထုတ်ခဲ့ရာ နောက်ထပ်မူးယစ်ဆေးဝါးများ ထပ်မံဖမ်းဆီးရမိ

EPN

ဗန်းမော်၊ ဧပြီ ၃၀

ကချင်ပြည်နယ် ဗန်းမော် မြို့တွင် မူးယစ်ဆေးဝါးအမှုနှင့် ဖမ်းဆီးခံရသူအား စစ်ဆေးဖော်ထုတ်ချက်အရ နောက်ထပ် မူးယစ်ဆေးဝါးများ ထပ်မံဖမ်းဆီးရမိကြောင်း ဗန်းမော်ခရိုင်ရဲတပ်ဖွဲ့မှ သိရသည်။

ဗန်းမော်မြို့မရဲစခန်း မယ (ပ ) ၅၆ /၂၀၁၉၊ မူး /စိတ် ပုဒ်မ ၁၆ (ဂ) အမှုမှ ပြစ်မှု ကျူးလွန်သူ ချစ်မျိုးလင်း ၏ အစစ်ခံဖေါ်ထုတ်ချက်အရ ရဲအုပ် စိုးဦးနှင့်အဖွဲ့သည့် သက်သေများနှင့်အတူ ဧပြီ ၂၉ ရက်နေ့၊ ညနေ ၅ နာရီခွဲ အချိန်က ဗန်းမော်မြို့ ပြည်သူ့ဆေးရုံဝင်းအတွင်းရှိ မက်သဒုန်းတိုက်သည့် အဆောင်သို့ ဝင်ရောက်စစ်ဆေးခဲ့ရာ မူးယစ်ဆေးဝါး ရောင်းချသူစိုင်းမြင့်ထွန်းနှင့်အတူ မူးယစ်ဆေးဝါး သုံးစွဲရန်ရောက်ရှိနေသော ပိုင်စိုးပါ (၁၃)ဦးတို့ကိုအသင့်တွေ့ရှိခဲ့ပြီး စိုင်းမြင့်ထွန်းထိုင်နေသည့် အရှေ့ စတီးချိုင့်အတွင်း အဝါရောင်အဖုံး အပိတ်ပါ အဖြူရောင် ကော်ဗူးအတွင်းမှ ဘိန်းဖြူ ဝါကြားမှုန့်၀ ဒသမ ၄ ဂ ရမ်စီပါ ကော်ဗူး ၁၀ ဗူး၊ စုစုပေါင်း၄ ဂရမ်၊ အနီရောင်အဖုံး ပိတ်ပါ အဖြူရောင် ကော်ဗူးအတွင်းမှ ဖြူဝါကြားမှုန့် ၁ ဒသမ ၅ ဂရမ် ပါ ကော်ဗူး ၁ ဗူး၊ ဖြူဝါကြားမှုန့် ၀ ဒသမ ၁ ဂရမ် ပါ တိုက်ငါးလုံးတံဆိပ်သတ္ထု ဗူး ၂ ဗူး၊ အလေးချိန် ၀ ဒသမ ၂ ဂရမ်၊ စုစုပေါင်းဘိန်းဖြူ ဟု ယူဆရသော ဖြူဝါးကြားအမှုန့် ၅ ဒသမ ၇ ဂရမ်၊ ခန့်မှန်းတန်ဘိုး ငွေကျပ် ၅၇၀၀၀၀နှင့် အဝါရောင် အပိတ် တပ်လျက်ကော်ဗူးခြောက်ဗူး၊ စိုင်းမြင့်ထွန်းလွယ်ထားသော ကချင်လွယ်အိတ် အတွင်းမှ 3m ဆေးထိုးအပ် တပ်လျှက် ပိုက် ၄ ခု၊ True စာတမ်းပါ အနက်ရောင် ဖုန်းတစ်လုံး၊ မြန်မာငွေစက္ကူ ရောရာ ၆၅၀၀ တို့ကို ရှာဖွေတွေ့ရှိ သိမ်းဆည်းရမိခဲ့ကြောင်း သိရသည်။

ဖြစ်စဉ်နှင့်ပတ်သက်၍ ရဲအုပ်စိုးဦးက တရားလို ပြုလုပ်တိုင်တန်းခဲ့သဖြင့် မြို့မရဲစခန်း က မယ( ပ) ၅၇။ မူး/စိတ်ပုဒ်မ ၁၉ (က)/၂၀ (က )/၂၁ အရ အမှု ဖွင့်ခဲ့ပြီး မူးယစ်ဆေးဝါးရောင်းချသူ စိုင်းမြင့်ထွန်း၂၉ နှစ်၊ (ဘ) ဦးမြင့်သိန်း၊ ပေါက်ကုန်းရပ်ကွက်။ဗန်းမော် မြို့နေသူနှင့် မူးယစ်ဆေးဝါးသုံးစွဲရန် ရောက်ရှိ နေကြသူ ပိုင်စိုးပါ (၁၃)ဦး တို့ကို အမှုစစ် ဒုရဲအုပ် အေးကျော်က တာဝန်ယူ စစ်ဆေးဆောင်ရွက်နေကြောင်း သိရသည်။

အဆိုပါ မူးယစ်ဆေးဝါးများကို သပြေကုန်း အနီး တောထဲတွင် တွေ့ရှိသော အမည်မသိသူ အမျိုးသားတစ်ဦးထံမှ ဘိန်းဖြူ ဝါကြားမှုန့်ပါ ကော်ဗူး တစ်ဗူးလျှင် ငွေ ကျပ် ၁၂၀၀၀ ဖြင့်ကော်ဗူး ၁၆ ဗူး၊ ငွေကျပ် ၁၉၂၀၀၀ ဘိုး သုံးစွဲရောင်းချရန်အတွက် ဝယ်ယူခဲ့ကြောင်းစိုင်းမြင့်ထွန်း မှ အစစ်ခံထွက်ဆိုခဲ့ကြောင်း ရဲစက္ကူ မှတ်တမ်းအရ သိရသည်။

ဗန်းမော် သုခမိန်

 

မလိ​ေရအားလွ်ပ္​စစ္​စက္​ရံုျပဳ ျပင္​​ေနျခင္​း​ေၾကာင္​့ လွ်ပ္​စစ္​မီး​ျပတ္​​ေတာက္​ခဲ့ရျခင္​းျဖစ္​သည္​ဟု ဘူးဂါလွ်ပ္​စစ္​တာဝန္​ရိွသူတစ္​ဦး​ေျပာ




မလိ​ေရအားလွ်ပ္​စစ္​စက္​ရံုျပဳ ျပင္​​ေနျခင္​း​ေၾကာင္​့ လွ်ပ္​စစ္​မီး​ျပတ္​​ေတာက္​ခဲ့ရျခင္​းျဖစ္​သည္​ဟု ဘူးဂါလွ်ပ္​စစ္​တာဝန္​ရိွသူ​ေျပာ

EPN
ျမစ္ႀကီးနား၊ ဧၿပီ ၃၀ 

ၿပီးခဲ့သည့္ရက္ပိုင္းအတြင္း ျမစ္ႀကီးနား၊ ၿမိဳ႕ေပၚ ရပ္ကြက္မ်ားတြင္ လွ်ပ္စစ္မီး ခၾကာခဏျပတ္​​ေတာက္မႈမ်ားျဖစ္ခဲ့ၿပီး ဤသို႔ျပတ္​​ေတာက္ခဲ့ရျခင္းမွာ မလိေရအားလွ်ပ္စစ္စက္ရံုျပဳျပင္​​ေနေသာေၾကာင့္ ျဖစ္​​ေၾကာင္း ဘူးဂါးလွ်ပ္စစ္ကုမၸဏီ တာဝန္ရိွသူ တစ္ဦးကေျပာသည္။ 

အဆိုပါ မလိေရအားလွ်ပ္စစ္စက္ရံုမွာ ဝိုင္ေမာ္ၿမိဳ႕နယ္၊ ကန္​​ေတာ္ယန္​​ေက်းရြာတြင္တည္ရိွၿပီး မလိေရအားလွ်ပ္စစ္စက္ရံုႏွင့္ စက္ရံုအနီးရိွ 66KV ေႂကြသီးမ်ား လွဲလွယ္ျပဳျပင္​​ေနေသာေၾကာင့္ လွ်ပ္စစ္မီးျပတ္​​ေတာက္ခဲ့ရျခင္းျဖစ္​​ေၾကာင့္ ဘူးဂါးလွွ်ပ္စစ္ဓာတ္အားျဖန္႔ျဖဴ းေရးကုမၸဏီမွ တာဝန္ရိွတစ္ဦးျဖစ္သူ ဦးလွေအာင္ကေျပာသည္။ 

"ဒီရက္ပိုင္းအတြင္း မီးခဏ ခဏပ်က္​​ေနတဲ့ ျပႆနာကေတာ့ ဒီ ၂၇ရက္​​ ကေန မလိစက္ရံုျပင္ဆင္တာေတြျပဳလုပ္​​ေနလို႕ပါ၊ အခုလိုအေျခအေနမ်ိဳးမွာ မီးအသံုးျပဳသူေတြကို အသိေပးထားပါတယ္အခုေတာ့ ပံုမွန္အေျခအေနကိုေရာက္ပါၿပီ"ဟု ဦးလွေအာင္ကေျပာသည္။ 

ပူျပင္ေျခာက္​​ေသြ႔သည့္ ရာသေရာက္ရိွလာၿပီးျဖစ္သည့္အတြက္ စက္ရံုအတြင္ေရရိွမႈအားနည္းမႈမ်ားရိွလာမည္ျဖစ္သည့္အတြက္ လွ်ပ္စစ္မီးျပတ္​​ေတာက္မႈအေျခအေနမ်ားရိွလာႏိုင္ၿပီး ဤသို႔ျဖစ္ခဲ့ပါက မီးအသံုးျပဳသူမ်ားကို ႀကိဳတင္ေၾကာင္းၾကားေပးမည္ျဖစ္​​ေၾကာင္း ၎ကေျပာဆိုခဲ့သည္။ 

လြမ္ေအာင္
-------------------------------------------------------------
မလိရေအားလျှပ်စစ်စက်ရုံပြု ပြင်နေခြင်းကြောင့် လျှပ်စစ်မီးပြတ်တောက်ခဲ့ရခြင်းဖြစ်သည်ဟု ဘူးဂါလျှပ်စစ်တာဝန်ရှိသူပြော


EPN

မြစ်ကြီးနား၊ ဧပြီ ၃၀


ပြီးခဲ့သည့်ရက်ပိုင်းအတွင်း မြစ်ကြီးနား၊ မြို့ပေါ် ရပ်ကွက်များတွင် လျှပ်စစ်မီး ခကြာခဏပြတ်တောက်မှုများဖြစ်ခဲ့ပြီး ဤသို့ပြတ်တောက်ခဲ့ရခြင်းမှာ မလိရေအားလျှပ်စစ်စက်ရုံပြုပြင်နေသောကြောင့် ဖြစ်ကြောင်း ဘူးဂါးလျှပ်စစ်ကုမ္ပဏီ တာဝန်ရှိသူ တစ်ဦးကပြောသည်။


အဆိုပါ မလိရေအားလျှပ်စစ်စက်ရုံမှာ ဝိုင်းမော်မြို့နယ်၊ ကန်တော်ယန်ကျေးရွာတွင် တည်ရှိပြီး မလိရေအားလျှပ်စစ်စက်ရုံနှင့် စက်ရုံအနီးရှိ 66KV ကြွေသီးများ လှဲလှယ်ပြုပြင်နေသောကြောင့် လျှပ်စစ်မီးပြတ်တောက်ခဲ့ရခြင်းဖြစ်ကြောင့် ဘူးဂါးလျှပ်စစ်ဓာတ်အားဖြန့်ဖြူ းရေးကုမ္ပဏီမှ တာဝန်ရှိတစ်ဦးဖြစ်သူ ဦးလှအောင်ကပြောသည်။


"ဒီရက်ပိုင်းအတွင်း မီးခဏ ခဏပျက်နေတဲ့ ပြဿနာကတော့ ဒီ ၂၇ရက် ကနေ မလိစက်ရုံပြင်ဆင်တာတွေပြုလုပ်နေလို့ပါ၊ အခုလိုအခြေအနေမျိုးမှာ မီးအသုံးပြုသူတွေကို အသိပေးထားပါတယ်။ အခုတော့ ပုံမှန် အခြေအနေကို ရောက်ပါပြီ"ဟု ဦးလှအောင်က ပြောသည်။

ပူပြင်းခြောက်သွေ့သည့် ရာသီရောက်ရှိလာပြီးဖြစ်သည့်အတွက် စက်ရုံအတွင်းရေရှိမှုအားနည်းမှုများရှိလာမည်ဖြစ်သည့်အတွက် လျှပ်စစ်မီးပြတ်တောက်မှုအခြေအနေများရှိလာနိုင်ပြီး ဤသို့ဖြစ်ခဲ့ပါက မီးအသုံးပြုသူများကို ကြိုတင်အကြောင်းကြားပေးမည်ဖြစ်ကြောင်း ၎င်းကပြောဆိုခဲ့သည်။


လွမ်းအောင်
 

Monday, April 29, 2019

KIO/KIA အၾကမ္းဖက္လုပ္ရပ္မ်ားႏွင့္ ပတ္သက္၍ လီဆူႏွင့္ ရွမ္းမ်ိဳးႏြယ္စုအဖြဲ႔တုိ႔မွ သတင္းစာ ႐ွင္းလင္းပြဲျပဳလုပ္




KIO/KIA အၾကမ္းဖက္လုပ္ရပ္မ်ားႏွင့္ ပတ္သက္၍ လီဆူႏွင့္ ရွမ္းမ်ိဳးႏြယ္စုအဖြဲ႔တုိ႔မွ သတင္းစာ ႐ွင္းလင္းပြဲျပဳလုပ္ 

EPN
ျမစ္ႀကီးနား၊ ဧၿပီ ၂၉ 

လီဆူအမ်ိဳးသားဖြံ႕ၿဖိဳးတိုးတက္ေရးပါတီ(Lisu NationalDevelopment Party)နွင့္ သၽွမ္းမ်ိဳးႏြယ္စုေရးရာ အဖြဲ႕(Shan Ethnic Affairs)တို႔ပူးေပါင္းျပဳလုပ္သည့္ KIA/KIO အဖြဲ႔က လီဆူလူမ်ိဳးမ်ားနွင့္ ရွမ္းမ်ိဳးႏြယ္စုမ်ားအေပၚ မတရားဖမ္းဆီးညႇင္းပန္းနွိပ္စက္အၾကမ္းဖက္သတ္ျဖတ္ျခင္းအေပၚဆန္႔က်င္ရွံု႕ခ်သည့္သတင္းစားရွင္းလင္းပြဲကို ဧၿပီလ၂၉ရက္​​ေန႔က ျမစ္ႀကီးနားၿမိဳ႕႐ွိ Cartal Hotelတြင္က်င္းပခဲ့သည္။ 

အဆိုပါသတင္းစာရွင္းလင္းပြဲတြင္" လတ္တေလာျဖစ္ပြားေနသည့္ အၾကမ္းဖက္မႈမ်ားနွင့္ ပတ္သက္၍ ေျဖရွင္းေတာင္းပန္ျခင္းမရွိသလုိ ယခင္ ၂၀၁၆ခုနွစ္ကတည္းကျဖစ္ပြားခဲ့သည့္ကိစၥမ်ား ကုိလည္း KIO/KIAအေနျဖင့္ တရားဝင္​​ေတာင္းပန္ျခင္း၊ ေျဖရွင္ေပးျခင္းမ႐ွိေၾကာင္း လီဆူ ဒူးေလးပါတီဥကၠ႒ ဦးေ႐ႊမင္းက ေျပာသည္။ “ကခ်င္အုပ္စု ၆မ်ိဳးၾကားမွာေျပလည္ဖို႔က အဓိကပိုအေရးႀကီးပါတယ္။ မဟုတ္ရင္မလိုလားအပ္တဲ့ျပသနာေတြလူမ်ိဳးေရးပဋိပကၡေတြျဖစ္​​ေပၚလာနိုင္ဖို႔ေတြ႕ေနရတယ္။ ကြၽန္​​ေတာ္တို႔ကအ မုန္းပြားဖို႔ လုပ္တာမဟုတ္ဘူး။ KIA/KIOအေနနဲ႔ကြၽန္​​ေတာ္တို႔မတရားညင္းပန္းသတ္ျဖတ္ခံရတာေတြကိုဘယ္လိုေျဖရွင္ေပးမလဲဆိုတာကုိအဓိကေတာင္းဆိုေနတာ ျဖစ္တယ္။ လူမ်ိဳးေရးမုန္းတီးဖို႔ျပသနာေတြႀကီးထြားလာဖို႔မရည္႐ြယ္ဘူး'' ဟု ၄င္းက ေျပာသည္

ထို႔အျပင္ ကခ်င္ျပည္နယ္ၿငိမ္းခ်မ္ေရးကုိ အျမန္ ဆုံးေဖၚေဆာင္ေပးၿပီး တုိင္းရင္းသားမ်ား၏ အခက္အခဲမ်ားကုိ ေျဖ႐ွင္းေဆာင္ရြက္ေပးရန္ ႐ွမ္းမ်ိဳးႏြယ္စုေရးရာအဖြဲ႔ ဥကၠ႒ ဦး စန္းေဝက ယင္း သတင္းစာ႐ွင္းလင္းပြဲတြင္ ေတာင္းဆုိေျပာၾကားခဲ့သည္။ "ၿငိမ္းခ်မ္ေရးကိုအျမန္ဆံုးအေကာင္အထည္​​ေဖာ္​​ေပးပါ၊ တိုင္းရင္းသားျပည္သူေတြအေၾကာက္တရားေနၾကရတာကိုအဆံုးသတ္​​ေပးပါ၊လူ႔အသက္​​ေပါင္းမ်ားစြာ​​ေၾကပ်က္စီးတာကုိမျမင္ခ်င္​​ေတာ့ပါဘူး၊ ကမၻာ့လယ္မွာျင္ိမ္းခ်မ္းတဲ့ျမန္မာနိုင္ငံႀကီးျဖစ္ဖို႔အေရးႀကီးပါတယ္"ဟု ေျပာၾကားခဲ့သည္။ 

အဆိုပါသတင္းသတင္းစာရွင္းလင္းပြဲတြင္KIO/KIAအဖြဲ႕၏အၾကမ္းဖက္တိုက္ခိုက္ခံရသူမ်ားနွင့္ မိသားစု၀င္မ်ား တက္​​ေရာက္ခဲ့ၾကသည္။ 

မုိးေဝ
-----------------------------------------------

KIO/KIA အကြမ်းဖက်လုပ်ရပ်များနှင့် ပတ်သက်၍ လီဆူနှင့် ရှမ်းမျိုးနွယ်စုအဖွဲ့တို့မှ သတင်းစာ ရှင်းလင်းပွဲပြုလုပ်
EPN
မြစ်ကြီးနား၊ ဧပြီ ၂၉

လီဆူအမျိုးသားဖွံ့ဖြိုးတိုးတက်ရေးပါတီ(Lisu NationalDevelopment Party)နှင့် သျှမ်းမျိုးနွယ်စုရေးရာ အဖွဲ့(Shan Ethnic Affairs)တို့ပူးပေါင်းပြုလုပ်သည့် KIA/KIO အဖွဲ့က လီဆူလူမျိုးများနှင့် ရှမ်းမျိုးနွယ်စုများအပေါ် မတရားဖမ်းဆီးညှင်းပန်းနှိပ်စက် အကြမ်းဖက်သတ်ဖြတ်ခြင်းအပေါ်ဆန့်ကျင်ရှုံ့ချသည့်သတင်းစားရှင်းလင်းပွဲကို ဧပြီလ၂၉ရက်နေ့က မြစ်ကြီးနားမြို့ရှိ Cartal Hotelတွင်ကျင်းပခဲ့သည်။

အဆိုပါသတင်းစာရှင်းလင်းပွဲတွင်" လတ်တလောဖြစ်ပွားနေသည့် အကြမ်းဖက်မှုများနှင့် ပတ်သက်၍ ဖြေရှင်းတောင်းပန်ခြင်းမရှိသလို ယခင် ၂၀၁၆ခုနှစ်ကတည်းကဖြစ်ပွားခဲ့သည့်ကိစ္စများ ကိုလည်း KIO/KIAအနေဖြင့် တရားဝင်တောင်းပန်ခြင်း၊ ဖြေရှင်းပေးခြင်းမရှိကြောင်း လီဆူ ဒူးလေးပါတီဥက္ကဋ္ဌ ဦးရွှေမင်းက ပြောသည်။ “ကချင်အုပ်စု ၆မျိုးကြားမှာ ပြေလည်ဖို့က အဓိကပိုအရေးကြီးပါတယ်။ မဟုတ်ရင်မလိုလားအပ်တဲ့ပြသနာတွေလူမျိုးရေးပဋိပက္ခတွေဖြစ်ပေါ်လာနိုင်ဖို့တွေ့နေရတယ်။ ကျွန်တော်တို့ကအ မုန်းပွားဖို့ လုပ်တာမဟုတ်ဘူး။ KIA/KIOအနေနဲ့ကျွန်တော်တို့မတရားညင်းပန်းသတ်ဖြတ်ခံရတာတွေကိုဘယ်လိုဖြေရှင်းပေးမလဲဆိုတာကိုအဓိကတောင်းဆိုနေတာ ဖြစ်တယ်။ လူမျိုးရေးမုန်းတီးဖို့ပြသနာတွေကြီးထွားလာဖို့မရည်ရွယ်ဘူး'' ဟု ၎င်းက ပြောသည်။

ထို့အပြင် ကချင်ပြည်နယ်ငြိမ်းချမ်းရေးကို အမြန် ဆုံးဖေါ်ဆောင်ပေးပြီး တိုင်းရင်းသားများ၏ အခက်အခဲများကို ဖြေရှင်းဆောင်ရွက်ပေးရန် ရှမ်းမျိုးနွယ်စုရေးရာအဖွဲ့ ဥက္ကဋ္ဌ ဦး စန်းဝေက ယင်း သတင်းစာရှင်းလင်းပွဲတွင် တောင်းဆိုပြောကြားခဲ့သည်။ "ငြိမ်းချမ်းရေးကိုအမြန်ဆုံးအကောင်အထည်ဖော်ပေးပါ၊ တိုင်းရင်းသားပြည်သူတွေအကြောက်တရားနေကြရတာကိုအဆုံးသတ်ပေးပါ၊လူ့အသက်ပေါင်းများစွာကြေပျက်စီးတာကိုမမြင်ချင်တော့ပါဘူး၊ ကမ္ဘာ့လယ်မှာြငိမ်းချမ်းတဲ့မြန်မာနိုင်ငံကြီးဖြစ်ဖို့အရေးကြီးပါတယ်"ဟု ပြောကြားခဲ့သည်။

အဆိုပါသတင်းသတင်းစာရှင်းလင်းပွဲတွင် KIO/KIAအဖွဲ့၏အကြမ်းဖက်တိုက်ခိုက်ခံရသူများနှင့် မိသားစုဝင်များ တက်ရောက်ခဲ့ကြသည်။

မိုးဝေ
 

Popular Posts